آسف يا ريّـس
آسف بــجد
شـعبـك طِــلع قاسي عليك
مش فاكرك ومش عارف حتى أنت مــيـن
شـعبك خـَـلعك ومصعبتش علـيه
مطـمرش فـيه حـُـكم السـنـيـن
لكن تخيل معايا ياريّـس
لو كـُنت حكمت بلدنا بشكل كويس
كان زمانا شايلينك على راسنا
كنا هنفديك حتى بأرواحنا
كنا هنغنيلك بنحبك يا ريّـس
تخيل معايا ياريّـس
لو رجع العمر بيك 30 سنة
كنت أيامها في عز شبابك
كان هو ده وقت عطاءك
تخيل لو كنت حكمت بالمعروف
عديت بالبلد من كل الظروف
تخيل لو كنت أعتبرت الشعب ولادك
اهتميت بيهم زي جمال وعلاءك
وفضل عدلك ساري في كــل بلادك
صدقني
كنا هنفضل نكرم فيك لحد مماتك
تخيل لو كنت حاكم عادل
الكل قدام القضاء واحد
مفيش وسايط مفيش كوسة
مفيش ناس بتتمسك من غير سبب
مفيش ناس بتموت من غير تــمن
كنت هتفضل حاكمنا وحُـكمك فينا نافـذ
تخيل لو كان هَـمّـك بلدك
تخيل لو كان هَـمّـك شعبك
تخيل لو مكنش هَـمّـك في الاول نفسك
إزاي تمحي قيمة شعبك
وعايزهم يدوك قيمة
إزاي بتصرف فلوسنا على نفسك
والناس عريانة مش لاقيه حتى هدوم قديمة
إزاي تبقى واكل فلوس البلد
وشعبك مش عارف يعيش عيشة كريمة
ياريّـس شعبك كان بيموت
وتطلع أنت تهزر بـنـكـتـك السخـيـفـة
سايب كلابك تنهش فينا وأنت ولا هامّــك
مفكرتش مره تِـحْمِـيـنا وتحِـس على دمّــك
ياريّـس الهَــمّ كان مالينا وكل منيجي نشكيلك تضحك وتقول
يــــاعــــم كـبّــــــــر مُـــخـّـــــك
بحـبــك يا ريس وبحب طيبتك
بحـبــك يا ريس بس من خيبتك
خسرت حـبـــايـبـــــك
وبالشَــرّ كله بيجيب في سيرتك
ياريّـس أنا بأي وشّ هدافع عنك
مش فاكرلك أي حاجة تخليني أحـبـك
مش فاكرلك غير نهب وسرقة وعذاب ودمار
وكل حاجة تزوّد جوايا كـُــرهـك
إيه ؟
بتقول إيه يا ريّـس؟
سامعك بتقول حاجة كده ضـربـة جـوية
إسمحلي أقولك جتك ستين خـيـبـة قـوية
هو أنت طلعت الطلعة دي لوحدك؟
ولا طلعتها بطيارتك؟
ولا حاربت أنت وعيلتك؟
في كـتـيــر غـيـرك حارب
ناس ضحت بكل حاجة وماتت
ماتت علشان غيرها يعيش
يعيش بكرامة مش مذلول من غيره
مات وهو بينصر شـعبه ويرضي ضميره
ماتوا شهداء يستاهلوا الـتـكـريـم
دفنتهم ياريّـس ودفنت معاهم التاريخ
لكن هنفضل فاكرينهم بكل خـــــــير
زي ماهنفضل فاكرين
أنك طلعت حـ.......... من غير ديــــل
متزعلش ياريّـس مش بشـتـمـك
بس تقدر تقولي فين الناس اللي كانت بتبوس جزمتك ؟
كلهم باعوك أول مضعفت جَــبّـهـتـَـك
سابوك وجريوا ومحدش فيهم طايق يبص في خـلـقـتـك
كل كلامهم عنك كان نــفـاق
الكلام اللي بـتـَمَـنْ عُـمْـر مكان ليه لزوم
كلام القلب ياريّـس هو بـس اللي بيدوم
عرفت بقى ياريّـس إني مكنتش بـشـتـمـك ؟
هو أنا برضه يا كبير عُــمري أقدر أظـلـمـك ؟
أنا آسف ياريّـس
أنا آسف ياريّـس حقيقي آسف
أني عايش بقالي 30 سنة خايف
خايف أقولك كفاية ظــلــم
خايف وعايش ماليني الجُــبْـن
أسف لأني أتأخرت في ثــورتـي
أسف لأني خدت وقت وأنا بخرج من مِـحنتي
آسف لأني سبتك تنهبني وأنا واقف عليك أتفرج
بحمد ربنا أنــك لسه سايبني عــايــش
مع أن الأعمار بإيد ربّــي وربّــــك
أنا من كل قلبي ياريّـس والله بدعـيـلك
أنك تقوم بالسلامة وربنا يـشــفـيـك
يلا يا وَحّــش سراير طـُـــرة بتـناديك
قوم بقى ياريس وشِــدّ حِــيلك
يلا يا زيــنة شباب جيـلـك
يلا يا بتاع الضربة الجوية
رجالتك كلهم في طـُــرة مِستـنِـيـنـك
في الآخر صحيح
أوعى تكون فاكرني بقولك ياريّـس علشان اللي فات
لأ يا ريّـس أنا بتكلم ع اللي جي
كلابـك هناك محتاجــيـنك
مستنينك تعمل عليهم ريّـس
ماهو زي مالشعب عايز ريّــس
أكيد الحرامي كمان محتاج ريّــس
أحمد الدسوقي
25/04/2011
تحفة يا أحمد
ردحذفكلماتك دي... ؟؟
جامدة بجد .. جدا
ياريّـس الهَــمّ كان مالينا وكل منيجي نشكيلك تضحك وتقول
يــــاعــــم كـبّــــــــر مُـــخـّـــــك
ياريّـس أنا بأي وشّ هدافع عنك
مش فاكرلك أي حاجة تخليني أحـبـك
مش فاكرلك غير نهب وسرقة وعذاب ودمار
وكل حاجة تزوّد جوايا كـُــرهـك
قويـــــــــة ^_^
أيوا كلماتي يا فتافيت
ردحذفمش بحط هنا غير الحاجات اللي أنا بكتبها
وميرسي على كلامك بـجد
:)
تسلم الايادى بجد تحفه جامد جدا
ردحذفاسفين عاى ايه الخيانه ولا ااسرقه ولا على حق الغلابه اللى باعه لإسرائيل اتلموا يا شوية نصابين لعنة الله على كل خائن حقىير ابو ظربه جويه
ردحذف